قاعد لوحدي


قاعد لوحدي

قاعد لوحدي قدام الشباك بتفرج عالدنيا وهي بتشتي بتفرج عالناس وهي بتجري مالمطرة واطفال صغيرة فرحانة بالمطر وعربيات ماشية بتغرق الناس الماشية قاعد لوحدي ف.. عز المطر بس مش سقعان ولا بردان بس وحيد و زعلان لا حد بيسأل ولا حتى يعبر يظهر اني عشت حياتي من غير لازمة ما قدرتش اكون صاحب يسأل عليا ويخاف عليا لكن كونت اصحاب ما بيسألوش فيا وكونت عيلة بس ما حافظتش عليها وكلمة خرجت ف.. لحظة غضب ونقلت عنوانها على بيت ابوها وخدت العيال معاها وقاعد لوحدي مستني حد ييجي يسأل عليا بفكر ف.. بكره هيا الدنيا حتبطل تشتي ولا المطرة حتفضل ترخ والشوارع تغرق وتغرق معاها البيوت زي ما غرق بيتي وضاعت احلى بسمة كانت فيه واجمل ايام عشتها فيه . جرس الباب بيرن اقوم افتح جري ممكن يكون ورا الباب ناس بنحبهم فاتورة النور يا استاذ صدمة كبيرة وخاب املي حبكت دلوقتي يعني ف.. عز المطر وكمان قاعد لوحدي جرس الباب بيرن تاني مش فاتح مش فاتح مش ناقص صدمات تاني مش عايز ادفع فاتورة المية ولا حتى التلفون يعني مين حيتصل بيا لكن صوت من ورا الباب خلاني اقوم واتنفض ده صوت ابني باسم بيقول افتح يا بابا وصوت مراتي بيقول افتح يا حبيبي وصوت الجيران بتقول افتح يا احمد وصحيت م.. النوم ايه ده هو انا كنت نايم

اتاريني كنت بحلم والحمد لله

انتهى

Post a comment or leave a trackback: Trackback URL.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: