مشاهد


المشهد الخامس

 

كــــــــــــــــــــــــــواليس الصفحة الرسمية لمجلس الوزراء على الفيس بوك

 

دقات رقيقة على الباب

صوت من الداخل ادخل

يدخل رجل و معه ورقة يسلمها للرجل الجالس على مكتبه

الذي انفعل بمجرد ان قرأ الورقة

اييييييه ده 45 نوتيفيكاشن مفيهومش غير 3 لايك

كده الناس مش شايفة شغلها كويس لازم الوزرا يشتغلوا كويس

اصرفولهم طقم بلوفرات جديدة

و خليهم يعملوا 1 2 3 4

و اشار باصابعه للأعداد التي ذكرها

وضحت علامات الاسبهلال على وجه صاحب الورقة قاله يعني ايه يا فندم

رد عليه يعني يعملوا تمارين الصباح ف الفور سيزون

تمام تمام يا فندم تحب معاليك نغير صورة الصفحة ع الفيس بوك و نعمل لمعاليك تاج و لا نسيبها كده

لا هي كده كيوت جدا

بس خلي الناس تعمل شييير و قولهم ان احنا حنديهم بونبوني بالفسدق و المكسرات

و خليهم يعملوا بيدج جديدة اسمها ميدان التحرير لسه ما اتبيضش يا رجالة مصر

ايوه عايزين التحرير يبقى هايد بارك بقى

استدار الرجل على كرسيه و توجه نحو النافذة يشاهد الشارع من خلالها بينما هو جالس

و قال ممكن تتفضل دلوقتي

هم الرجل بالانصراف و بينما هو على باب المكتب قال

معلش يا فندم كان عندي استفسار بسيط

البانر بتاع البيدج نعمله نعمله بالفوتوشوب و لا نسيبه فاضي !!!!!!!!!!!!!!

شوح له الرجل الجالس بمكتبه

انت حتلبسلي لبس الوطنية

انا حاربت و قتلت و اتقتلت قبل كده كتير انت متعرفنيش

ثم هدأ و قال خليها فوتوشوب احسن

 

انتهى

Post a comment or leave a trackback: Trackback URL.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: