تغيير الأيديولوجية الكروية إلى برشلونة … حوِل


أُعلن أنا حازم حسنين من مدونتي هذه و في تلك اللحظة أنني أكف عن تشجيع نادي ريال مدريد و تغيير إنتمائي الكروي أوروبياً إلى برشلونة في المقام الأول….

هو العمر فاضل فيه كتير عشان منشجعش الكورة الحلوة يعني …. كل اللي يعرفني يعرف إن حتى و أنا بشجع الميرنجي كنت بحب برشلونة و لعبه ….و حتى رونالدو لما راح ريال مدريد أنا كنت بفضل ميسي عليه… ف ايه المانع و ايه اللي عطلني عن تشجيع برشلونة …. الحقيقة مش عارف!!!

و لقد ضقت ذرعاً بسياسات النادي الملكي التي أصبحت للربح بصورة تجارية بحتة دون إهتمام بالبطولات العصب الحقيقي لكرة القدم و الأكثر من ذلك غياب المتعة الحقيقية.

نيجي بقى للماتش الروعة اللي كان الليلادي ايه الحلاوة دي… سكينة ف الحلاوة  ميسي و تشافي .. صخرة دفاعية بل أحجار كريمة في خط الدفاع بيكي و ماسكيرانو الذي أجاد و قلب الأسد الذي نزل في الدقائق الأخيرة كارلوس بويول … و نقول بقى دانييل ألفيس و أبيدال و الهجام فيا و الساحر إنييستا و الصاروخ بيدرو و القادم بقوة أفيلاي و سمعني سلام لأحلى كورة جت ف تاريخ العالم.

طبعاً برشلونة شفى غليلي ف مانشستر الصراحة أنا بكره مانشستر بطريقة غير عادية و الحمدلله برشلونة عملها معاهم المرة التانية ع التوالي و عقدهم …

كنت بتفرج على ماتش نهائي الشامبيونز ليج في قهوة في الساعة و الراجل القهوجي إسمه عزايزي …. تقريباً اللي ف القهوة كلهم من أهل المنطقة و يعرفوا العزايزي  …. كل شوية واحد يقوله واحد شاي و ادعيلنا يا عزايزي … عزايزي فضل مطنش لحد لما ميسي كان على حدود منطقة الجزاء …. لقينا العزايزي فجأة بيقول شوط يا شيكابالا … هوباااااااا  جوووووووووووووووون الهدف التاني لبرشلونة  … بركاتك يا عزايزي يسلم فُمك يا بني ايه الحلاوة دي  … طلع زملكاوي صميم زي حالاتي و مسمي كل لاعيب ف الفرقة يتاعة برشلونة باسم لاعيب من الزمالك …..

في أجمل من لقطة ميسي و هو بيحتفل بالجون التاني ايه اللاعيب الخرافي البليستشناوي ده ؟؟؟؟ انت روعة يا بني …

لقطة جوارديولا بعد جون ميسي و هو بيقول بالعامية الأسبانية تسلم البطن اللي جابتك يا ميسي و لا حظو حركات شفايف جوارديولا حتلاقوها واضحة جداً  

في النهاية برشلونة كان يلاعب روني بمفرده فلم ألاحظ أي شيء يلفت الأنظار في باقي لاعبي مانشستر …

مبروووووووووووووك للبارسا و عقبال كاس العالم للأندية

ف الآخر لقينا عزايزي بيقول عمرو زكي حيجيب جون و فعلاً دافيد فيا حط جون روعة خيالي

و على رأي الأسبان

¿Por qué el Manchester United dejó de beber Nescafé?!
.
.
.
.
….
.
.
Debido a Nescafé 3 en 1
Post a comment or leave a trackback: Trackback URL.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: