عصر ما قبل الثورة : خايف عليكي يا مصر … حازم حسنين


خايف عليكي يا مصر لا تتحرقي

خايف و خوفي ده مصاحب حيرتي

خايف مــ اللي شايفه و عايشه و عارفه

خايف مـ اللي باع ذمته و أهله و وطنه

خايف من دموع شفتها فــ عنيكي

من ريحة شياط شمتها ف إيديكي

****

في مجلس الشورى قدام مية نيلك

شُفتها والعة زي مـــ الفساد خانق شرايينك

خايف عليكي يا مصر لا تتحرقي

نيجي نطفي حريقتك ما نلحقشي

و ساعتها و الله مفيش حياة بعدك

و لا يمكن أعيش يوم فــ بُعدك

بقرا على وشك كلام ما يطمنشي

مش عارف أخاف عليكي و لا متفرقشي

مادام في ناس أهم مني مش خايفين عليكي

حيفيد بإيه خوفي و قلقي عليكي

خايف عليكي بجد يا مصر

طبطبي علي و طمنيني

خديني فــ حضنك ضميني خبيني

و مفيش يوم يعدي إلا أصبح و أمسي عليكي

و ألمس ترابك و أشوف قلقي فــ عنيكي

طمنيني بقى أبوس إيديكي

و اوعديني زي ما انتي وعداني بالفقر تكوني مبسوطة

لو أبات جعان تباتي انتي شبعانة

لو مش لاقي الغطا تنامي إنتي مستورة

و أنا عارف إن أنا أو غيري لو نموت تعيشي لنهاية الكون و راسك مرفوعة

*******

كتبتها بعد حريق مجلس الشورى  في 19 أغسطس 2008

Post a comment or leave a trackback: Trackback URL.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: